• 19 Feb 2019
  • 02: 08 AM
Latest News arrow

പി.കെ ശശിക്കെതിരെ പാര്‍ട്ടി നടപടിയെടുക്കും; തീരുമാനം ശനിയാഴ്ച

തിരുവനന്തപുരം : പി.കെ ശശിക്കെതിരെയുളള ലൈംഗിക പീഡനപരാതിയില്‍ സി.പി.എം നടപടി ഉറപ്പായി. ഡി.വൈ.എഫ്.ഐ പാലക്കാട് ജില്ലാക്കമ്മിറ്റിയിലെ വനിത അംഗം നല്‍കിയ പരാതിയിലാണ് ശശിക്കെതിരെ സി.പി.എം അന്വേഷണം നടത്തിയത്.പാര്‍ട്ടി സെക്രട്ടറിയേറ്റ് അംഗങ്ങളായ പി.കെ ശ്രീമതിയും എ.കെ ബാലനുമാണ് പരാതി അന്വേഷിച്ചത്.പരാതിക്കാരിയില്‍ നിന്നും ശശിയില്‍ നിന്നും രണ്ടു തവണവീതം അന്വഷണക്കമ്മീഷന്‍ മൊഴിയെടുത്തിരുന്നു.പരാതിയില്‍ പ്രതിപാദിച്ചിരുന്ന വ്യക്തികളില്‍ നിന്നും മൊഴിയെടുത്തു.ഇവയുടെ അടിസ്ഥാനത്തിലാണ് റിപ്പോര്‍ട്ട് തയ്യാറാക്കിയത്. വെള്ളിയാഴ്ച്ച നടക്കുന്ന സി.പി.എമ്മിന്റെ സെക്രട്ടറിയേറ്റ് യോഗത്തില്‍ റിപ്പോര്‍ട്ട് ചര്‍ച്ചയ്ക്ക് വെക്കും.

ഈ യോഗത്തിലായിരിക്കും ശശിക്കെതിരെ എന്തു നടപടി വേണമെന്ന കാര്യത്തില്‍ ഔപചാരികമായി തീരുമാനമെടുക്കുക.ശനിയാഴ്ച്ച നടക്കുന്ന സി.പി.എം സംസ്ഥാന കമ്മിറ്റിയിലാകും ശശിക്കെതിരെ നടപടി സ്വീകരിക്കപ്പെടുക. ലൈംഗിക പീഡനപരാതി ആയതിനാലും പരാതിയില്‍ യുവതി ഉറച്ചു നില്‍ക്കുന്നത് കൊണ്ടും ശശിക്കെതിരെ നടപടി ഉറപ്പാണെന്നാണ് സൂചന.തന്റെ രാഷ്ട്രീയ ഭാവി തകര്‍ക്കാനുളള ആസൂത്രിത നീക്കമാണ് പരാതിയെന്നാണ് ശശിയുടെ വാദം.ഇതേക്കുറിച്ചും പാര്‍ട്ടി അന്വേഷണക്കമ്മീഷന്‍ അന്വേഷണം നടത്തിയിട്ടുണ്ട്.ശശിക്കെതിരായ പരാതി പ്രചരിപ്പിച്ചുവെന്ന ആരോപണത്തില്‍ മറ്റു ചിലര്‍ക്കെതിരെയും നടപടിക്കു സാധ്യതയുണ്ടെന്നാണ് സൂചന.